سودانی دەسخوەشی لە رۆڵ نێچیروان بارزانی کەێد
سودانی لە وتار وازکردن ئاهەنگ فەرمی وە ٤٢ ساڵیاد دامەزریان ریخریاگ بەدر لە بەغداد، وت: خەمسەردی لە جیوەجیکردن بەرنامەی حکومەتی نیەکەیمن، ئەرا پیشکەشکردن ئاڵشتبوینیگ چینەیی لە خزمەتگوزاری ئەرا هاووڵاتی و نواگیری قەیرانەیل وەشیوەی بەجەرکردن.
وتیش؛ وەماوەی کەمیگ توەنستیمن پڕۆژەیلیگ نووەو بکەیمن و بجویلنیمن، و بنچینەی ئەو گەندەڵیە بڕیمن ک خاوەنی گومان کرد تا هەمیشە بمینێد، و پەیوەندیەیل دەیشتەکی قایم کردیمن.
سودانی وتش: حکومەت وەی گامەیلە دویر لە خەبات موجاهیدەیل نیەکەفێد، ئەرا عراقیگ هازدار و ئەوزەڵکردگ، و حکومەتەگە لەی ماوەی کوڵە ئارامی وە مقیەتیکردن بنەمایل رێککەفتن سیاسی لە هاوپەیمان وەڕیەوبردن دەوڵەتەگە وەدەس هاورد.
وتیش: گام گرنگیگ وەرەو چارەکردن گرفتەیل نەفت گاز بڕیمن، وتیش؛ تا نێچیروان بارزانی سەرۆک هەرێم کوردستان ها ئیرا، دەسخوەشی لە رۆڵی کەم لەبان ئەو تەقەلا ک پیشکەش کرد ئەرا قایمکردن پەیوەندیەیل ناوبەین بەغداد و هەولێر و وەپشتسەرنان گشت ریگریەیل.
