لە خانەقین دەسوەپی کرد.. هەڵمەت رزگارکردن کوڕیگ عراقی
شەفەق نیوز/ قەزای خانەقین و چەن ناوچەیگ لە دیالە، گەورەترین هەڵمەت خوەیبەخشی ئەرا کوڕیگ وەخوەی دۊنێد ک تۊش شیرپەنجەی سوخان هاتگە.
دکتۆر عەلی تاڵیب چاکلاکوانە لە خەڵک خانەقین و یەکیگە لە رێکخەرەیل هەڵمەتەگە ئەرا ئاژانس شەفەق نیوز ئۊشێد: کوڕیگ وەناو سوهەیب خەڵک جەلەولا، تۊش بیماری شیرپەنجەی سوخان هات، و دیاری کرد ک ٥٠ هەزار خەرج خوازێد تە بچوودە دەیشت عراق و پای بمینێد.
تاڵیب دووپات کرد ک کەسوکارەیل بیمارەگە داوای هەڵمەتیگ ئەرا رزگارکردن سوهەیب کردن، و خەڵک خانەقین و چەن ناوچەیگ دەسکردنە گردەوکردن پۊل تا بچوودە هیندستان و نەشتەرگەری بکەێد، و دیاری کرد ک پۊلەگە لەلایەن خەیرخوازەیل لە خانەقین و چەن ناوچەیگ لە دیالە و بەغداد گردەو بۊ.
تاڵیب وتیش: ریکارەیل چگن سوهەیب ئەرا هیندستان تا نەشتەرگەری بکەێد لە ماوەی ئی دوو رووژ ئایندە تەواو بوود، ئەوەیش وە هەڵمەتیگ مرۆیی گەورەیگ پیکاتەیلە وەبی نووڕستن لە مەسەب و نەتەوە کەێدە یەک.
