قسەکەر وەناو تاڵەبانی ئاشکرای نووەوەبویەکان لە بەش هەرێم لە بوودجەی ٢٠٢١ کەێد
شەفەق نیوز/ سەمیر هەورامی قسەکەر وەناو قوباد تاڵەبانی جیگر سەرۆک حکومەت هەرێم کوردستان، ئمڕوو پەنجشەممە، دووپات کرد ک حکومەت هەرێم سێ رێککەفتن وەگەرد حکومەت فیدڕاڵی لەباوەت شایستە داراییەکان لە ماوەی کەمتر لە یەک ساڵ ئەنجام دا، و بەشەگەی هەرێم لە بوودجەی ساڵ ٢٠٢١ خوەی هووکار دیرکەفتن بڕیاردانی نییە.
هەورامی لە بەیاننامەیگ ئمڕوو وت: لە مانگ نیسان ساڵ ٢٠٢٠ تا ئیسە سێ رێککەفتن وەگەرد حکومەت فیدڕاڵی لەباوەت شایستە داراییەکان هەرێم ئەنجام دریاگە.
و ئاماژە کرد ک دەسەی دارایی لە ئەنجومەن نۆێنەران عراق واژوو لەبان مادەی تایبەت وە بەش هەرێم کوردستان نەکرد، ئەراوە ئی بەشە خوەی هووکار دیرکەفتن بڕیاردان بوودجەگە نییە، و دووپات کرد ک لە هەر وەختیگ کارەگە بخوازێد شاند حکومەت هەرێم روی وەرەو بەغداد کەێد.
هەورامی دیاری کرد ک دوو پێشنیار دەربارەی شایستە داراییەکان هەرێم هەس، یەکیگیان پێشنیار حکومەت عراقیە، و ئەواکە پێشنیار دەسەی دارایییە، و فراکسیۆنە پەرلەمانیەکان و
لەبان هەر کامەیان واژوو بکەن، حکومەت پابەند وە جیوەجیکردنی کریەێد.
