تاڵەبانی داوای ریکارەیل زوییگ ئەرا وسانن توندوتیژی دژوە ژنەیل لە هەرێم کەێد
شەفەق نیوز/ قوباد تاڵەبانی جیگر سەرۆک وەزیرانی لە هەرێم کوردستان، ئمڕوو سێشەممە، سەرپەرشتیاری لەبان کۆبونەوەیگ تایبەت دەربارەی زیایبوین خوەیکوشتن و توندڕەوەی دژوە ژنەیل لە هەرێم کوردستان کرد، وەگورەی بەیاننامەی حکومەت هەرێم کوردستان.
لەو کۆبونەوە ک وەزیرەیل و لایەنەیل و دامەزراوەیل پەیوەندیدار ئامادە بوین، باس لە خوەیکوشتتەیل و توندڕەوەی دژوە ژنەیل کردن ک لە ماوەی گوزەیشتە تۆمار کریان، وەگەرد دووپاتکردن لە گرنگی ریکارەیل زوییگ و داناین پلانەیلیگ گونجیاگ ئەرا وساننیان.
جیگر سەرۆک وەزیران دووپات لە گرنگی گامەیل زوییگ لەبان ری جووراجور چینەیل وە بڵاوکردن هوەشیاری خیزانی و جیوەجیکردن فەرمانەیل دەسوەسەرکردن لەبان توومەتبارەیل وە باوەتەیلیگ پەیوەندی وە توندوتیژی دژوە ژنەیل دیرن کرد، و جیوەجیکردن بڕیگ لە خولەیل کار ئەرا ئەفسەرەیل و قسەکەرەیل وەزارەت و دامەزراوەیل دەربارەی بنەمایل یەکسانی.
کۆبونەوەگە بڕیار مەنین باوەتەیل لە ناوەندەیل شوونکردن ئەو ژنەیلە ک کەفتنەسە وەر توندوتیژی تا تەواوبوین راوێژەیل وەگەرد ناوەندە تایبەتەیل و گرنگی جیاکردن لەناونی باوەتەیل وەگورەی چین وتایبەتمەندی گشت باوەتەیگ، و هەمیش تەرخانکردن پویل ئەرا خاسەوکردن ئەو ناوەندەیلە.
کۆبونەوگە هەمیش بڕیار دروسکردن دەسەیگ دریا ئەرا چەودیری ئاست پابەندی وە بنەمای شەەرەف لەناونی رێکخراوەیل و دامەزراوەیل راگەیانن، وەگەرد دووپاتکردن لە ری نەیان وە پێشێلکارەیل لەبان رینمایل وەزارەتەیل و دامەزراوە پەیوەندیدارەیل وبنەمایل پیشەیی و ناودەوڵەتی تایبەت وە باوەتەیل ژن.
کۆبونەوەگە هەمیش باس لە دەور پیاوەیل ئاین کرد و گرنگی ئەوە ک لە خوتبەیلیان دەور گرنگیگ لە نواگردن سیمای توندوتیژی دژوە ژنەیل بیاشتان.
ئامادەبویەبل بڕیار سوودگردن لە وزەی توێژینەوەکارە کۆمەڵایەتییەیل و چالاکوانەیل لە چین ماف مرۆڤ ئەرا هووشیارکردن تاکەیل کۆمەڵگاکە و بتەوکردن هەست باوەڕی، و دووپاتکردن لەبان نەچگن لە شوین هەرچەگ وەرەو بی ئومیدی و خوەیکوشتن رەسنێد.
