کەشناسی هەرێم مەزەنەی تەپوتووز و واران وارین کەێد

وەڕێوەبەرایەتیەگە لە بەیاننامەیگ رەسیە ئاژانس شەفەق نیوز راگەیان، "ئمڕوو ئاسمان رووشن تا نیمەئەورە وەگەرد تەپوتوز کەمیگ لە وەخت شەو نمە واران وارێد لە ناوچە جیاوازەیل و لە ناوچە کویەیلە رێژەگەی زیایترە، پلەی گەرمی وە گشتی نزیکە لە توومارەیل دویکە بیجگە لە گەرمیا داوەزین وە خوەی دوینێد".

ئاشکەرایکرد، "سوو  ئاسمان ئەورە ئاڵشتبوود ئەرا ئەور تەواوە، وەگەرد تەپوتووز کەمیگ لەناوچەیل باشوور هەرێم، لەدویای نیمەڕوو تاوە واران و گڕمەهڕ ناوچە کویەیلەی باکوور خوەرهەڵات و خەرهەڵات هەرێم گرێدەو و دویایی فرەیگ لە ناوچەیل هەرێم گرێدەو و لە وەخت شەو کاریگەری کەمترەوبوود بەڵام لەوەر ناجیگیری بەرگە هەوا ناوچەگە ئەرا رووژەیل ترەک جار وەجار واران وارین بوود.

بەرزترین پلەیل گەرما مەزەنەکریاگ وە پلەی سیلیزی:

هەولێر : 32 

سلێمانی  : 30

دهۆک  :  32

 زاخۆ  : 32

هەڵەبجە : 31

کەرکوک : 33

سۆران : 28 

حاجی ئۆمەران : 20

گەرمیان : 35.