کەشناسی هەرێم: پلەی گەرما 4-6 پلە داوەزین وە خوەی دوینێد
2022-09-21T09:06:29+00:00
شەفەق نیوز/ وەڕیەوبەرایەتی گشتی کەشناسی و زەویلەرزەی هەرێم کوردستان، ئمڕوو چوارشەممە، پیشبینی کەشوهەوای 48 ساعەت ئایندە بڵاوکرد.
وەڕیەوبەرایەتیەگە لە بەیاننامیگ راگەیان، لە ئەنجام هاتن نزمە پاڵەپەستۆی کەنداو عەرەب و نیمچە دورگەی عەرەبی ئاڵشتکاری وەبان کەشوهەوای ناوچەگەمان تیەێد و پلەی گەرما 4-6 پلە داوەزین وە خوەی دوینێد تا رووژ جومعەی بانان.
دیاریکرد، ئمڕوو چوارشەممە ئاسمان نیمچە ئەورە وەگەرد ئەور تەواویگ و لە فرەی وەختەیل خێرایی وا بەرزەو بوود ئەرا بان 30کم وەگەردیا توز و خوەڵ بەرزەو بوود، و پلەی گەرما 2-3 پلە داوەزین وە خوەی دوینێد، ئەگەر پرزە وارانیگ هس لە بان کویەیلە.
بەرزترین پلەی گەرما مەزەنەکریاگ وەی جورەس:
هەولێر : 34
سلێمانی : 30
دهۆک : 31
کەرکوک : 36
زاخۆ :34
هەڵەبجە : 32
سۆران : 33
گەرمیان: 37.
