کەشناسیگ: دوو شەپوول وەفر وارین روی لە سەنتەر شارەیل کەێد
2024-01-22T15:57:16+00:00
شەفەق نیوز/ کەشناسیگ، ئمڕوو دووشەممە، راگەیان مەزەنە کرێد دوو شەپوول وەفر وارین روی لە هەرێم بکەێد سەنتەر شارەیل هەولێر و سلێمانی و هەڵەبجە و دهۆک و موسڵ و بگردەو.
کەشناس ئاراس جەبار ئاشکەرایکرد، " لە ٢٧ و ٢٨ی ئێ مانگە هاتێ ناوچەگە بکەفێدە ژیر کاریگەری بارستە وای سەردیگ و مەزەنە کرێد وەفر فرەیگ لە گشت ناوچە کویەیلە و شارەیل کویەدار بوارێد شەپوولەگە سەنتەر شار سلێمانیش گرێدەو.
هەمیش دیاریکرد، لە ٣١ کانوون دویەم تا ٤ی شوبات،مەزەنەی شەپوولیگترەک وەفر وارین کرێد، و هاتێ بارستە وای سەرد و تونیگ وەردیا بوود و وەفر فرەیگ بوارێد لە ناوچە کویەیلە و لە سەنتەر سلێمانی وەفر خاسیگ وارێد.
ئاراس مەزەنە کەێد، "هەمیش سەنتەر شارەیل ھەڵەبجە و دھۆک و موسڵ وەفر بوارێد و لە سەنتەر شار ھەولێریش هاتێ کەمیگ بوارێد، وەگەرد ئێ شەپوولە پلەیل گەرمی وە شیوەی وەرچەو داوەزێد".
