کشتوکاڵی گەرمیان گەشبینە: لە ساڵ ئایندە هشکەساڵی نییە

شەفەق نیوز/ وەڕێەوبەرایەتی کشتوکاڵی لە ئیدارەی گەرمیان، ئمڕوو شەممە، مەزەنەی قورتاربوین لە هشکەساڵی ئەرا ساڵ ئایندە 2023 کرد، لەوەر ئەو وارانەیلە ک لە مانگ تەشرین دویەم گوزەشتە وارێد.

شادیە حسێن خانمە وەڕیەوبەر کشتوکاڵی گەرمیان لە قسەیل رووژنامەوانی رەسیە ئاژانس شەفەق نیوز وت: وەگورەی نشانەیل ئیدارەی گشتی کشتوکاڵی، ک بنکەیەی هانە فرەی ناوچەیل هەرێم کوردستان، فرەترین بڕ واران لە ناحیەی مەیدان لە ئیدارەی گەرمیان واریە، ک رەسیە 78 ملیمەتر.

وتیش: 43 ملیمەتر لە ناوچەی خانەقین واریە، و ئەگەر وەگەرد دوو ساڵ گوزەشتە بەراوردی بکەیمن، ریژەی ئمساڵ فرە خاس بوی، و پارەکە وارانەگە لە کەلار رەسیە 5 ملیمەتر، و ئمساڵ 60 ملیمەتر بویە.

وتیش: توەنیمن بویشیمن ئیسە لە گەرمیان لافاو هەس، و دیاری کرد ک پارەکە کشاورزەیل گەرمیان  سوود لە واران تەشرین یەکەم نەگردن.

دیاری کرد ک نیەتوەنیمن بویشیمن ک گەرمیان لە رخ هشکەساڵی قورتار بوی، چوینکە تا مانگ نینان واران خوازێد، چوینکە دان و بەرهەمەیل واران خوازن، وەلێ جویر سەرەتای ئی وارانە جی گەشبینیە.

دووپات کرد ک بایەتە وارانەگە لە 250 تا 300 ملیمەتر بوود تا گەرمیان لە هشکەساڵی قورتار بوود، و وەگورەی بڕەیل وارانەگە تا ئیسە، مەزەنە کەیمن ئمساڵ گەرمیان لە هشکەساڵی قورتار بوود.