گەرمیان لەوەر کەم ئاوی روی وەرەو کەمکردن پلان زمسانیی ئەرا نیمە کەێد
شەفەق نیوز/ ئیدارەی سامانەیل ئاوی لە یەکەی گەرمیان، ئمڕوو شەممە، ئاشکرای رویکردنی وەرەو کەمکردنەوەی پلان زمسانیی ئەرا نیمە کرد، لەوەر کەم ئاوی و نەوین واران.
موئەیەد ئەحمەد شەمسەلڵا وەڕیەوبەر فەرمانگەگە ئەرا ئاژانس شەفەق نیوز وت: فەرمانگەگە وەهەماهەنگی وەرد ئیدارەی گەرمیان، رینما وە کشاورزەیل دا پلان کشتوکاڵی زمسانی کەمەو بکەن، لەوەر کەم ئاوی و نەوین واران تا ئیرنگە، و دووپات کرد ک ئمڕوو هویچ وارانیگ لە یەکەی گەرمیان نەواریە، بیجگە چەن پرزەیگ لە ناحیەی کوڵەجۆ و خانەقین ک لە یەک میلیمەتر زیاتر نەویە.
شەمسەلڵا گریەی دەسکردن وەپلان زمسانی و فراوانکردنی وە سامانەیل ئاوی و واران لە رووژەیل ئایندە تا مانگ کانوون یەکەم بەساد، و دیاری کرد ک ئەمار ئاوگەی بەنداوە دەربەندیخان ئەرا نووشین و باخ و ئاژەڵەیل تەرخان کریاگە، و ئیسە ریژەی تەکان ئاوەگەی رەسێدە ١٤/م٣/چ.
وتیش: ئەمار ئاوەگە وەشیوەی گشتی پشت وە واران بەسێد، و وارانەگە بڕیار پلان زمسانی لە یەکەی گەرمیان دروس کەێد.
