شارەزایگ کەشناسی: لە ئمشەوەو واران وارین دەسوەپی کەێد

ئاراس جەبار، شارەزای مژار کەشناسى، ئویشێد: لەئەنجام ھاتن وا چامداریگ ئەرا ناوچەگەمان  لە نیمچە دورگەی عەرەبی و دەریای سورەو کاریگەریەگەی رەسیەس وە ئاسمان عراق و ھەرێم کوردستان وە فرەیی لە ئاست مامناوەن و بەرز ئەور دروسبویە و لەوەختەیل ئیوارە و ئمشەو ئەگەر پرزە واران لەبان بڕیگ ناوچەیل سلێمانی و هەلەبجە هەس.

 لەباوەت کەشوهەوای سوو چوارشەەمە ئاشکەرایکرد، " ئاسمان ئەور تەواویگە و پلەی گەرمی دوو تا سێ پلە داوەزێد لە نیمەڕوو هاتێ واران دەسوەپی بکەێد لە ئیوارەیش وەردەوام بوود، لە رووژ پەنجشەممەیش واران وارین وەردەوام بوود ریژەگەی زیاتر بوود لەبان سنوور هەڵەبجە و سلێمانی وە تایبەت ناوچە کویەیلە هاتی وە شیوەی تاوتاو واران و بەڵاچە ناوچەیل سنوور ئیدارەی راپەڕین و ئیدارەی سۆران بگرێدەو.