شەپوولیگ گەرمی چەوەڕی هەرێم کوردستان کەێد
2023-07-04T09:08:48+00:00
شەفەق نیوز/ وەڕیەوبەرایەتی کەشناسی و زەویلەرزەناسی هەرێم کوردستان، ئمڕوو سێشەممە، مەزەنەی بەرزەوبوین پلەی گەرمی لەی رووژەیل بانانە کرد، وە کاریگەری شوپوول گەرمییگ رەسێدە هەرێم کوردستان.
وەڕیەوبەرایەتیەگە لە بەیانامەیگ رەسیە ئاژانس شەفەق نیوز وت: پلەی گەرمی لە هەرێم کوردستان لە رووژەیل چوارشەممە و پەنجشەممە و جمعە بەرزەوبوین ٢-٤ پلەی وەخوەی دوینێد، ک پلەی گەرمی لە ناوەند پارێزگایل رەسێدە بان ٤١ پلەر و لە ئیدارەی گەرمیان رەسێدە بان ٤٤ پلەی سیلیزی، وەگەرد ٣٦-٤٠ پلە لە ناوچە کوێەیلە، و ٢٨-٣٢ پلە لە ناوچەیل سنووری.
وتیش: ئی شەپوول گەرمیە لە رووژ شەممەی ئایندە تەواو بوود، ک پلەی گەرمی لە ٢ تا ٣ پلە داوەزێد.
