دوو پارێزگای عراقی هانە بەرزترین پلەی گەرمی لە جهان
شەفەق نیوز/ پارێزگایل میسان و بەسرە، لە باشوور عراق، کەفتنە ناو بەرزترین ناوچەیل جهان لە بەرزترین پلەی گەرمی لەماوەی ٢٤ ساعەت گوزەیشتە، لە خشتەیک ١٥ شار لە جهان هاناوی.
ویستکەی «بلاسیرفیلی» لە کالیفۆڕنیای ئەمریکا، خشتەیگ وە بەرزترین پلەیل گەرمی جهان لە ماوەی ٢٤ ساعەت گوزەیشتە بڵاو کرد، ک نشان دەێد ناوچەی رفحای سعودیە بەرزترین پلەی گەرمی لە جهان وە ٤٧،٩ پلەی سەدی تۆمار کرد، لە پشتی ناوچەی ماتام لە دەوڵەت سەنیگال وە ٤٧،٥ پلەی سەدی، ئیجا ناوچەی جەهرا لەەوڵەت کوەیت وە ٤٧،٢ پلەی سەدی، لە پشتی شار برجی لە جەزائیر وە ٤٦،٧ پلەی سەدی.
خشتەگە هەمیش نشان دەێد کەناوچەی متربە بە کوەیت کەفتە پلەی پەنجەم وە ٤٦،٧ پلەی سەدی، و ئیجا ناوچەی عمارە لە پارێزگای میسان لە پلەی دەهەم هات وە ٤٦ پلەی سەدی، و لە پشتی لە پلەی ١١ ناوچەی بەسرەتل حسێن لە پارێزگای بەسرە هەمیش وە ٤٦ پلەی سەدی هات.
