پارێزگایگ عراقی هالە ناو گەرمترین ناوچەیل جهان
شەفەق نیوز/ سێ ناوچە لە یەکیگ لە پارێزگایل باشوور عراق، ئمڕوو شەممە، لە ماوەی ٢٤ ساعەت گوزەیشتە، بەرزترین پلەی گەرمی لە جهان تۆمار کرد.
ویستکەی پلاسیرفیلی لە کالیفۆڕنیای ئەمریکا خشتەیگ وە ١٥ ناوچە و شار جهانی بڵاو کرد ک لە ماوەی ٢٤ ساعەت گوزەیشتە بەرزترین پلەی گەرمی لە جهان تۆمار کردنە، و ئەو خشتە نشان دا ک ناوچەی دو توکانتینز لە دەوڵەت بەڕازیل لە نوای لیستەگە بوی وە ٥٦،١ پلەی گەرمی، و لە پلەی دوویەم ناوچەی جەهرا لە کوەیت وە ٥١،٥ پلەی سەدی، ئیجا ناوچەی فڕۆکەخانەی شاه فەهەد لە سعودیە وە ٥١ پلەی سەدی، ئیجا ناوچەی عمادیە لە ئیران وە ٥٠،٧ پلەی سەدی، و ناوچەی موتربە لە کوەیت لە پلەی پەنجەم هات وە ٥٠،٤ پلەی سەدی.
خشتەگە نشان دا ک ناوچەی سەلابیە لە کوەیت کەفتە پلەی شەشەم وە ٥٠،٣ پلەی سەدی، ئیجا فڕۆکەخانەی ناودەوڵەتی بەسرە لە عراق وە ٥٠،٢ پلەی سەدی، و ناوچەی فڕۆکەخانەی کوەیت لە کوەیت وە ٥٠ پلەی سەدی کەفتە پلەی دەهەمین، ئیجا ناوچەی عەبدەلی لە کوەیت وە ٤٩،٨ پلەی سەدی ر و ناوچەی سابریە لە کوەیت وە ٤٩،٧ پلەی سەدی کەفتە پلەی ١٢هەم، ئیجا ناوچەی ئەهواز لە ئیران وە ٤٩،٥ پلەی سەدی، و ١٤هەمین پلە بویە بەش ناوچەی فاو لە بەسرە وە ٤٩،٤ پلەی سەدی، ئیجا ناوچەی مەزرەعە لە کوەیت لە دویاترین لیستەگە هات ک گەرمیەگەی رەسیە ٤٩،٣ پلەی سەدی.
