سلێمانی کەموکوڵی لە تاقیگەیل تەندروسی و دەرمان راگەیان

شەفەق نیوز/  وەڕیەوبەرایەتی تەندروسی سلێمانی، ئمڕوو دووشەممە، ڕاگەیان کەموکوڵی لە پێداویستیەیل پزیشکی دیرێد لەوەر کەمی بڕ دارایی.

هێرش سالم جێگیر وەدیەوبەر گشتی تەندروسی سلێمانی لە بەیاننامیگ رەسییە ئاژانس شەفەق نیوز وت " وشکنینەیل لە خەسخانەیل و تاقیگەیل ناوەندی ئەنجام نیەدریەن"، ئاشکەرایکرد" تاقیگەی ناوەندی لە سلێمانی توەنێد 25% لە توانای مەنییە وەڕیەو بوەێد".

وتیش،" لەسەرەتای ئمساڵەو، خەسخانەیل سلێمانی کەموکوڵی دەرمان دیرن، وەگەرد کەموکوڵی لە پێداویستیەیل پزیشکی ئەرا ئەنجامدان وشکین ئەرا بیمارەیلە".

سالم وتیش، " گیچەڵەگە هاله پویل" وتیش" کۆمپانیایەیل دابینکردن دەرمان و پێداویستیەیل پزیشکی رخیان چوود لە وەرانوەر دابینکردن پێداویستیەیل پزشکی  پویلیان وەرنەگرن".

ئاشکەراکرد، هەنای کۆمپانیەیل دڵنیابوون لە وەرگردن پویلیان لە بانک، پێداویستیەیل پزیشکی ئەرا وەڕیەوبەرایەتی تەندروسی سلێمانی دابین کەن".