راپۆرتیگ لە خەرجکردن دارایی لە باوەت دژ وە کۆرۆنا لە هەرێم کوردستان
شەفەق نیوز/ سامان بەرزنجی وه‌زیر ته‌ندروسی حكومه‌ت هه‌رێم كوردستان، راپۆرتیگ هۊرد لەباوەت بڵاوبۊین ڤایرۆس كۆرۆنا و ئۆمیكرۆن و رێكاره‌كارەیل مقەیەتیکردن خەێدەرۊ لەماوەی کۆبۊنەوەی ئەنجومەن وەزیرەیل.
لە راپۆرتەگە ک ئاژانس شەفەق نیوز چەوی وەپی کەفتیە ئۊشێد: " هه‌رێم كوردستان نموونه‌ی سەرکەفتگیگە له ئاست جەهان له رۊیوەرۊ بۊن بیماری كۆرۆنا".
وتیش، "بڕ زیاتر له (100) ملیار دینار له ماوه‌ی دو ساڵ گوزەشتە ئەرا خه‌رجیه‌یل رۊیوەرۊبۊن كۆڕۆنا خه‌رج كریایه".
وەگورەی ئامارەگەی وەزیر خستیەسەی رۊ لەجەم 412 هه‌زار و 493 تۊشبۊ ته‌نها 46 هه‌زار و 845 بیمار له خەسخانە خەفنریانە (386،961) بیمار وه تواوی چاره‌سه‌ر کریانە.
رووژ چوارشەممە 2 شوبات 2022 ئەنجومەن وەزیرەیل هەرێم کوردستان کۆبۊنەوەی هەفتانەی خوەی وە سەرۆکایەتی مەسرور بارزانی سەرۆک وەزیرەیل ئەنجامدا.
سامان به‌رزنجی وه‌زیر ته‌ندروسی ڕاپۆرتیگ لەباوەت وه بڵاوبۊن ڤایرۆس ئاڵشتبۊی ئۆمیكرۆن له هه‌رێم و ئاست پابه‌ندبۊن وه‌زاره‌ته‌یل وه وه‌رگردن ڤاكسین وه‌لایه‌ن فه‌رمانبه‌رەیل و كارمه‌نەیل حكومه‌ت و ئاماده‌كارییەیل مقەیەتیکردن ئەرا مامووستایەیل و كارمه‌نەیل په‌روه‌رده و قوتابی و خوێندكارەیل له دۊیای ده‌سوەپیكردن خوەنستن ناوپۆل خسەرۊ.
