سلێمانێ تاقیکردنەوەیل نیمەی ساڵ سێ رووژ دۊیا خەێد

شەفەق نیوز/ وەڕێەوبەرایەتی گشتی پەروەردەی سلێمانی، ئمڕوو دوشەممە، راگەیان تاقیکردنەوەیل نیمەی ساڵ ئەرا ماوەی سێ رووژ دۊیاخریا لە گشت مەکتەوەیل پارێزگا. 

وەڕێەوبەرایەتیەگە لە بەیاننامەیگ رەسیە ئاژانس شەفەق نیوز وت: " لەوەر داوەزین پلەیەیل گەرمی وەفر وارین، ئەرا مسۆگەر کردن سەڵامەتی خوەنەوارەیل، بڕیاردایمن وە دۊیاخسن تاقیکردنەوەیل کۆتایی وەرز یەکەم خوەنستن لە رووژەیل، سێشەممە، چوارشەممە، پەنجشەممەی ئایندە، لە گشت ناوەندەیل فێرکاری حکومەتی و ناحکومەتی". 

لە بەیاننامەگە وتیش: " تاقیکردنەوەیل ئەرا رووژ دوشەممە رێککەفت2022/1/25 دۊیاخریا وەگورەی  خشتەیگ تایبەت ک وەلایەن وەڕێەوەبەرایەتی مەکتەوەیل سلێمانی ئامادەکریایە".