سەرۆک هەرێم کوردستان داوای دروسکردن دوو لیوای هاوبەش لە پێشمەرگە و سوپا کەێد
شەفەق نیوز/ نێچیروان بارزانی سەرۆک هەرێم کوردستان، ئمڕوو پەنجشەممە، داوا لە وەزارەت وەرگری عراق کرد گرنگە زوی دەسبکریەێدە دروسکردن دوو لیوای هاوبەش ناوبەین سوپا وپێشمەرگە لە ناوچە دابڕیایل ئەرا نواگردن مەترسیەیل ریخریاگ داعش، ودووپات کرد ک هیمان ریخریایەگە لەناو نەچگە وتا ئیسە مەترسیەیلیگ لەبان هەرێم کوردستان و عراق و گشت جەهان پەیا کەێد.
سەرۆک نێچیروان بارزانی لە وتاریگ وەبوونەی دەرچگن خول نوویگ لە ئەفسەرەیل لە کۆلێژ سەربازی زاخۆ وت: هیزەیل پێشمەرگە بەشیگە لە سیستەم وەرگری عراق، و لەجەنگ دژوە داعش خوەی هیز سەرەکی بوی لەنواگردن ریخریایەگە، وهووکاریگ لە شکستخواردنی و لەناوبردن سەربازیی بوی.
و دووپات کرد ک داعش مەنیە وهیمان لەناونەچگە، و پەلامارەیل لەناوچەیل دابڕیای جیوەجی کەێد، و بویە هووکار لە کەفتن شەهیدەیل لە هیزەیل پێشمەرگە و حەشد شەعبی و سوپای عراق، وتیش؛ هیمان داعش مەترسی گەورەیگ لەبان کوردستان و عراق وگشت جەهان پەیا کەێد، و زیایبوین پەلامارەیلی لەی ماوەیل دویاییە لەبان ئاوای وشار وناوچەیل لە ناوچەیل دابڕیای کاریگ کۆمەڵی هاوبەش خوازێد ئەرا نواگردنی و لەناوبردنی.
