سەرۆک هەرێم کوردستان تەلەفۆن بافڵ تاڵەبانی کەێد

سەرۆک نێچیروان بارزانی پیرووزبایی لە تاڵەبانی و ئەنجومەن باڵای سیاسی حزبەگە، و مەکتەب سیاسی و سەرکردایەتی و جەماوەر یەکێتی وەی بوونە کرد، و ئومید سەرکەفتن ئەرایان خوازێد.

سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: نێچیروان بارزانی وەی بوونە وەگەرد دەسنشانکرن خەبات و میژوو یەکێتی نیشتمانی کوردستان و یادکردن پایە و رۆڵ رەحمەتی سەرۆک مام جەلال، ئومید خوەی نشان دا ک ئی ساڵیادە بوودە هاندەریگ ئەرا یەکبوین و هاوبەشی و یەکڕزی لایەنەیل سیاسی وەتایبەت ناوەین پارتی و یەکێتی.

 لەلای خوەییش، سەرۆک یەکێتی نیشتمان کوردستان وەناو خوەی و سەرکردایەتی حزبەگە سوپاس و رێز ئەرا پەیوەندی سەرۆک هەرێم کوردستان نشان دا، و ئومید سەرکەفتن ئەرای خوازێد.