سەرۆکایەتی هەرێم کوردستان: ئەگەر کار هەناردەکردن نەفت وسیا دووارە گلەو خوەێد
دڵشاد شەهاب قسەکەر سەرۆکایەتی هەرێم کوردستان لە کۆنگرەیگ رووژنامەوانی وت: تا ئیسە وە دەرچگن بڕیاریگ فەرمی وە وسیان هەناردەی نەفت هەرێم کوردستان نیەزانیمن، دووپات کرد ک شاندیگ لە حکومەت هەرێم کوردستان چگەسە بەغداد تا لەی باوەتە وەگەرد لایەنەیل پەیوەندیدار دانوسەنین بکەێد.
وتیش: رێککەفتنیگ ناوبەین دەوڵەت تورکیا و حکومەت هەرێم کوردستان لەباوەت هەناردەکردن نەفت هەس، هەمیش رێککەفتن ناوبەین عراق و تورکیا هەس.
شەهاب وتیش: ئەگەر وسیانیگ وەختانەیش ئەرا هەناردەکردن نەفت بوی، ئیمە دڵنیایمن وە گلەوخواردن و دووارە هەناردەکردن نەفت کوردستان.
رووژ شەممە، وەزارەت نەفت فیدڕاڵی، قانجازکردن سکاڵای ناوجیکردن ناودەوڵەتی وەلایەن عراقی لەبان تورکیا لەباوەت هەناردەی نەفت خام لە هەرێم کوردستان وەبان ری بەندەر جیهان تورکی راگەیان، وتیش: ئەوەسا مینەی میکانزمیگ ئەرا هەناردەکردن وەڕی خود بەندەرەگە وەگەرد لایەنەیل پەیوەندیدار لە هەرێم کوردستان، و دەسەڵاتەیل ئەەقەرە وەگورەی ئی رەوش نووە کەێد.
