زەخمداربوین عەقیدیگ لە پێشمەرگە و دووان لە خیزانەگەی وە تەقینەوەیگ لە سلێمانی

زەخمداربوین عەقیدیگ لە پێشمەرگە و دووان لە خیزانەگەی وە تەقینەوەیگ لە سلێمانی
2021-01-09T11:33:18+00:00

شەفەق نیوز/ سەرچەوەیگ پزشکی، ئمڕوو شەممە، خەوەردا ک ئەفسەریگ لە هێزەیل پێشمەرگە و دووان لە خیزانەگەی لە تەقینەوەیگ لە قەزای سەید سادق سەروە پارێزگای سلێمانی زەخمدار بوین.

ئومێد عەلی وەڕێوبەر خەسەخانەی شار لە سلێمانی ئەرا ئاژانس شەفەق نیوز وت: تەقینەوەیگ ک سرووشتەگەی نەزانریاگە، دوێەکە لە ئاوای حاسڵ لە قەزاگە بویە هووکار زەخمداربوین سەخت عەقیدیگ لە هێزەیل پێشمەرگە و دووان لە خیزانەگەی.

وتیش؛ زەخمدارەگان ئەرا خەسەخانەی شار هاوردیان، و کەفتنە وەر دەسوەردان نەشتەرگەری، و ئیسە رەوشیان ئارامە و چارەسەری وەرگرن.

وەگورەی زانیاریەیلیگ، ئەرشەد عومەر ئاغا گڵاڵی زەخمدارەگەس وەگەرد کوڕ و دوێەتەگەی، و یەکیگ لە کەسەیل خیزانەگەی وت: ک رووداوەگە وەزامابوبنە و هەڕەمەکی نەوی، و ئەیە دوویەم رووداوە لەی جوورە ک عەقیدەگە خەێدە وەر تەقەلای کوشتن.

براگەی گەڵاڵی لە وتارەیلیگ رۆژنامەوانی وت: تەقینەوەگە وە نارنجە یا مین نەوی، بەڵکم بومبیگ دانریاویدە ئامانجکردن عەقیدەگە و خیزانەگەی.
Shafaq Live
Shafaq Live