رویداوەیل هاتوچو پێشەنگە لە لیست مردنەیل سلێمانی

شەفەق نیوز/  وەپای ئامار وەریەوبەرایەتی گشتی تەندروسی سلێمانی، لە سەرەتای تەموز تا 31 مانگەگە 76 تەرم ئەرا فەرمانگەی پزیشک دادوەری پارێزگاگە کلکریایە، فرەیگ لەوانەی گیان لە دەسدانە وە مدووی رویداو هاتوچوی بویە. 

مردنەیل ئەرا دو بەش دابەش بوینە 58 پیاو و 18  ژن.  لە ئامارەگە دیاری کەێد، 27 کەس وە رویداو هاتوچو مردنە، 10 کەس لەوەر سزیان گیان لە دەسدانە، شەش کەس خنکیانە، پەنج کەس وە شۆرت کارەبایی و یەکیگیش وە کەفتنەخوارەوە لە بەرزی گیان لە دەسدانە. 

وەپای ئامارەگە، 16  کەس وە رویداوەیل جوراوجور گیان لە دەسدانە. 

لە ئامارەگە ئوشێد، رویداوەیل هاتوچو هوکار یەکەمن لە مردن لە شار سلێمانی لە ماوەی یەک مانگ گوزەشتە.