پرۆفیسۆر کورد داهێنەر پەمپ دەسکرد دڵ کووچ دویایی کرد
2024-01-15T15:16:00+00:00
شەفەق نیوز/ وەپای بڵاوکریاگ میدیا جەهانیەیل پرۆفیسۆر تۆفیق موسەیڤەند داهێنەر ئامێر پەمپ دەستکرد دڵ، لە تەمەن ٨٧ ساڵی کووچ دویایی کرد.
ئامێر پەمپ دڵ دەسکرد، لە داهێنان پرۆفیسۆر تۆفیق موسەیڤەندە، ئامێریگە خوین لە دڵەو ئەرا ئەو بەشەگانتر لەش پەمپ کەێد و ئەرک هەناس داین لە مەوقەی نەشتەرگەری دڵ گرێدە ئەستۆ.
تۆفیق موسەیڤەند، ساڵ ١٩٤٢ لە باوان کوردیگ لەداڵگبویە لە ئاوای ڤەرکانەی سەر وە پارێزگای هەمەدان لە ئێران.
موسەیڤەند دەرچگ بەش ئەندازیاری کشاوەرزی زانکۆی تارانە و بڕوانامەی ماستەر لە ئەندازیاری میکانیکی لە کەنەدا وەدەسهاوردیە، پزیشک و پسپۆڕ نەشتەرگەری دڵ بویە لە زانکۆی کارلێتۆن و ئۆتاوا لە کەنەدا.
پرۆفیسۆر تۆفیق موسەیڤەند ٣٦ تەکنەلۆژیای داهێنانکردیە وەتایوەت لە ئامێرە پزیشکییەگان لە دیارترینیان پەمپ دەستکرد دڵە، زیاتر لە ٥٠٠ کتاو و توێژینەوە و راپۆرت تەکنیکی نویسانیە و بڵاویانکردیە.
