وەتەمەنترین پزشکەیل جەهان چوودە ناو کتاو گینیس
شەفەق نیوز/ پیاویگ لە تەمەن ١٠٠ ساڵی لە ویلایەت ئۆیاهۆی ئەمریکا، چیە ناو کتاو گینیس ئەرا شمارەیل پەیمانەیی، چوینکە گەورەترین پزشک کارکەرە لە جەهان، و نزیکە بوودە یەکیگ لە ئەسارەیل تیک توک.
دکتۆر هوارد تاگەر لە شوبات ٢٠٢١ بویە خاوەن ئەو نازناوە، هەنای تەمەنی رەسیە ٩٨ ساڵ و ٢٣١ رووژ.
ئەوەسا چیرۆک ئەو پزشکە لە فیلم دیکۆمێنتی What's Next نمایش کریەێد.
تاگەر، پزشک دەمارە لە ساڵ ١٩٧٤ تا ئیسە کار کەێد، و هەر هەفتەیگ دوو گلە خزمەتەیلی وە بیمارەیل پیشکەش کەێد.
تاگەر ئەرا راگەیانن وت: مەردم ئویشن ک وەگورەی پیاویگ ١٠٠ ساڵە خاس کار کەم، و وەگەرد خوەم ئویشم ئایا ئی مەردمە لە تەمەنیان چەن گلە پزشکیگ لە تەمەن ١٠٠ ساڵان دوینن؟.
تاگەر بیجگە کار پزشکی، بڕوانامەی یاسا دیرێد، و لە جەنگ جەهانی دویەم سەرباز بویە، و لە پۆست سەرۆک بەش زانست دەمار بویە لەماوەی جەنگ کۆریا.
