دەسگیرکردن سێ کەس پەلامار کارمەندەیل پزیشک دانە لە بەغدا
2023-03-06T07:07:26+00:00
شەفەق نیوز/ وەزارەت ناوخوەی عراق، ئمڕوو دووشەممە، راگەیان شمارەیگ توومەتبار دەسگیرکردیە لەمابەینیان 3 کەس هەس ک پەلامار کارمەنەیل پزیشکی دانە لە بەغدای پایتەخت.
وەزارەتەگە لە بەیاننامەیگ رەسیە ئاژانس شەفەق نیوز وت، هێزەیل پاراستن خەسخانەی گشتی سەدر سەر وە ناوچەی سەدر یەکەم توەنستنە سێ کەس دەسگیربکەن ک پەلامار کارمەنەیل پزیشکی دانە لە چوارچمگ خەسخانە ناوبریاگەگە وە لێدان و سوکایەتیکردن و هەڕەشەکردن.
هێزیگ لە فەوج فریاکەفتن بەغدا رەسافەی یەکەم توەنستیە وە فەرمان فەوجەگە توومەتبارە داواکریاگیل دەسگیربکەن وەپای مادەی 444 لە یاسای سزادان، وەپای بەیاننامەگە فەرماندەیی پۆلیس بەغدا رەسافە توومەتبارەیل ئەرا ناوچەیل دیاریکریگ کلکردیە.
