رەسین تەرم پەنج لە نقومبۊەیل کورد لە دەریای ئیجە ئەرا هەرێم کوردستان
شەفەق نیوز/ حکومەت هەرێم کوردستان، ئمڕوو سێشەممە، راگەیان رەسین تەرم پەنج کەس لە کووچبەرەیل قاچاخی کورد ک لەناو دەریای ئیجە لە یۆنان نقوم بۊن.
راوێژکار فەرمانگەی پەیوەندیەیل دەیشتەکی لە حکومەت هەرێم کوردستان هەڵگورد ساڵەیی لە بەیاننامیگ رەسیە ئاژانس شەفەق نیوز وت: گلەوداین ئی تەرمەیلە دۊای ناسین وە تاقیکردنەوەی دی ئێن ئەی راگەیان، و دووپات کرد لە وەردەوامی لە تاقیکردنەوە و پەیوەندیەیل وەرگرد باڵیۆزخانەی عراق لە یۆنان و حکومەت یۆنان ئەرا ناسین تەرمەیلیگ تر ک هیمان ببیسەروشۊن لە نقومبۊەیل بەلەمەیل لە دەریای ئیجە لە ماوەی گوزەشتە.
وتیش: وەی چینە لە تەرمەیل، شمارەی ئەو نقومبۊەیلە ک رەسیمنە تەرمەیلیان رەسیە ١٤ تەرم، وتیش: حکومەت هەرێم کوردستان ئەرک وەشکین ئەرا کەسوکارەیل بیسەروشۊنەیل لە نموونەی تەرمەیل هەڵگرد وەگەرد گلەودانیان ئەرا هەرێم تا ئەوەنە دریەنە دەس کەسوکاریان.
