کورد هاناویان.. ئاماریگ وە شمارەی کووچبەرەیل خنکیاگ و بیسەروشوینەیل لە ٢٠٢٢
شەفەق نیوز/ کۆمسیۆن باڵای باوەت کووچبەرەیل سەروە نەتەوە یەکگرتگەیل، ئمڕوو شەممە، خنکیان و بیسەروشوینی ١٢٠٠ کووچبەرەیل لە یەکەم نیمەی ساڵ ٢٠٢٢ راگەیان.
کۆمسیۆنەگە لە بەیاننامیگ رەسیە ئاژانس شەفەق نیوز وت: رووژ ١ ئاب، بەلەمیگ وە ٩٣ کووچبەر ، ک فرەیان کورد وئیرانی و ئەفغانی بوێن، لە دەریای ئیجە نقوم بوێن، و تەنیا ٢٩ کەس لەلیان رزگار کەیا، وهیمان چارەنویس ئەوەکان نادیارە.
رووژ چوارشەممەی گوزەشتە، دەسەڵاتەیل یۆنان، دەسکردن وە مینەکردن ورزگارکردن گەورەیگ لە شوین ئەو کەسەیلە راگەیانن ک مەزەنە کریەێد لە خوەرهەڵات دوورگەی کارباسوس بیسەروشوین بوینە، دویای نقومبوین بەلەمیان ک عراقیەیلیش لەناویان بوی، ک وە شەو روی وەرەو ئیتالیا کردنە.
ریخریاگ "لوتکە" ئەرا باوەت کووچبەرەیل لە هەرێم کوردستان وگشت عراق، هەر ماوەی جاریگ، گلەوداین تەرم کووچبەرەیل کورد عراقی راگەینێد، لەناویان ژن ومناڵە، و فرەیان گەنجە.
