دهۆک... کوشیان و زەخمداری لە تەقەکردن کەسەیلیگ وەگەرد پۆلیس

شەفەق نیوز/ وەڕیەوبەرایەتی پۆلیس دهۆک، ئمڕوو چوارشەممە، خەوەردا لە کوشیان کەسیگ و زەخمداری یەکیگتر و سێیەمیش وایر لە تەقەکردنیگ دویای ئەوەگ تەقەلا دانە دویتیگ لە شارەگە بکوشن.

قسەکەر پۆلیس موقەدەم هێمن سلێمان لە کۆنگرەیگ رووژنامەوانی ک ئاژانس شەفەق نیوز ئامادەبوی  وت،"  بنکەی پۆلیس کۆمەڵگای شاریا خەوەردار کریا دویتیگ رویوەروی هەڕەشەی کوشتن بویە وەلایەن سێ کەسەو".

وتیش، مەفرەزەیلیان دەسکردنە وە چەودێری کردن  هەڕەشەکەرەریل ئەرا نواگیری کردن لە کوشتن دویتەگە، باوجی ئەوان خوەیان رادەس نەکردنە تەقەڵای وایین دانە، و بویەسە تەقە لەمابەینیان، لە ئانجام یەکیگیان کوشیا و ئەوەکەیش زەخمداربویە لە ناو ماشینەگەی ک سێ تاوانبارەگە هەڵگردوێد".

وتیش دەسەیگ ئامادەکریاگە وە سەرپەرشتی وەریەوبەر پۆلیس سمێل و ئەفسەرەیل تایبەت ئەرا لێکۆلینەوە لە رویداوەگە.