داوەزیان ١٨٠٠ میگاوات لە کارەبای کوردستان لەوەر گیچەڵیگ لە کێلگەی گازی کورمور
2023-06-25T08:59:13+00:00
شەفەق نیوز/ وەزارەت کارەبا لە حکومەت هەرێم کوردستان، ئمڕوو شەممە، ئاشکرا کرد ک گیچەڵیگ هونەری لەناو کێلگەی گازی کورمور هیشت بەرهەم گاز وەگورەی ٢٥٠ مەلیۆن مەتر شەشپاڵوو داوەزێد.
وەزارەتەگە لە بەیاننامەیگ رەسیە ئاژانس شەفەق نیوز وت: خوازێد ئاگادار بەشدارەیل کارەبا بکەێد ک لەوەر گیچەڵیگ هونەری لە کار گواستنەوەی گاز شل وەلایەن کۆمپانیای گواستنەوە وەرەو ئەمارەیل وەزارەت سامانەیل سروشتی بویە هومار بەرزەوبوین ئاست گاز لەناو کێلگەی کورمور و رخیگ لەبان کێلگەگە دروس کرد.
بەیاننامەگە وتیش: ناچاری بوی ئاست بەرهەم لە کێڵگەگە وەگورەی ٢٥٠ مەلیۆن مەتر شەشپاڵوو داوەزێد، و دیاری کرد ک ئەوە بوودە مدوو داوەزین لە بەرهەم کارەبا وە گەورەی ١٨٠٠ میگاوات.
وتیش؛ گشت لایەنەیل پەیوەنیدار ئیرنگە تەقەلای چارەکردن ئەو گیچەڵە دەن.
