حکومەت هەرێم: ٧٠ ئاوای لەوەر جەنگ تورکیا و پەکە کە بی کارەبان
2021-04-27T12:29:23+00:00
شەفەق نیوز/ وەزارەت کارەبا لە حکومەت هەرێم کوردستان، ئمڕوو سێشەممە، دووپات کرد ک ٧٠ ئاوای لە ناحیەی کانی ماسی سەروە قەزای عمادیە لە پارێزگای دهۆک لە کارە با بیبەش بوینە لەوەر جەنگ ناوبەین سوپای تورکیا و پەکەکە.
وەزارەتەگە لە بەیاننامەیگ رەسیە ئاژانس شەفەق نیوز دیاری کرد ک لەوەر ئەو جەنگە هێڵ ٣٣ کەی ڤی ک کارەبای سەرسەنگ – کانی بەێد زەرەدمەن بوی تا وزەگە لە ٧٠ ئاوای بووڕیەێد.
بەیاننامەگە وتیش؛ تیمەیل خاسەوکردن ٢٢ کارمەن لە وەزارەت کارەبا هاناویان روی ئەرا خاسەوکردنی کردن وەدەسمیەتی هاووڵاتییەل جوور شوین بەڵەیدان تیمەگە،و وتیش: تیمەگە سەردان ناوچەگە کرد وەلی وەداخەو ک لەوەر تەقینەوەیگ یەکیگ لە کارمەنەیل ویەکیگ لە هاووڵاتییەل زەخمدار بوین.
