دەسگیرکردن چەن کەسیگ لە ئامەد چۊنکە گورانی کوردی چڕینە
شەفەق نیوز/ ریخریاگ ماف مرۆڤ لە ئامەد، دویاچگنیگ ئەرایان دەرکەفتید ک لە بەندیخانەی ئەو شارە ئەشكەنجەی دەستگیركریایەل دەن و چەن کەسیگیش دەسگیر کریانە، تاوانەگەیان تەنیا چڕین گورانی كوردی بویە.
وەگورەی ئەو ڕاپۆرتە ک ماف مرۆڤ ئامەد بڵاوی کردیە، لە بەندیخانەگە وەئاشکرا پێشێل ماف مرۆڤ کریاگە و دەسگیکریایلە ئازار و ئەشكەنجە دریانە.
یاقوب گوڤەن، ڕاپۆرت ماف مرۆڤ ئامەد خوێندەو و ئۊشێد: ”دویای ئەنجام ئەو دەسەی ئیمە ک لێكۆڵینەوە کردگە، ئەرامان دەرکەفت، رەفتار بەد وەگەرد دەسگیرکریایلە کریاگە، ئازار دریانە و ئەشكەنجە و سووكایەتی وەپیان کریاگە".
باس ئەوەیش کەێد، ڕاپۆرتە پزیشكییەیلە دەرخستنە، ک دەستگیركریایەل دریاسە لێان و هەڕەشەیان دریاگە و تا تیەێد زوور وەبانیان زیاد کەێد.
هەر لەو ڕاپۆرت باس کریاگە ک لەوەر ئەوەگ لە نەوروز ئەمساڵ چەن کەسیگ وەکوردی گورانی چڕیە، ئەراوە هەڕەشە لەلیان دریاگە، و رییش لەلیان بڕیایە ک گورانی بچڕن، ئیجا دەستگیر کریانە و سزا لەبانیان چەسپیایە.
