وینە.. پایتەخت نەوروز لە هەرێم کوردستان ئامادەکاری ئەرا پیشوازیکردن لە میوانەیل جەژن کەێد

شەفەق نیوز/ ئیدارەی قەزای عەقرە لە هەرێم کوردستان، ئمڕوو پەنجشەممە، راگەیان ئامادەبۊنی ئەرا ئاهەنگەیل جەژن نەوروز، رووژ بیس ویەک ئی مانگە.  

مازن حەمید سەعید قایمقام عەقرە، لە کۆنگرەیگ رووژنامەوانی ئاژانس شەفەق نیوز ئامادەی بۊ وت: شار عەقرە وە پایتەخت نەوروز ناسیاگە، ئامادەکاریەیلی ئەرا پیشوازیکردن لە گەشتیارەیل ئەرا نەوروز تەواو کرد.  

ەدیاری کرد ک بڕ فرەیگ لە کوڕ و دۊتەیل ئەوەسا لە ریۆیوان وەرەو بان کۊەی بان شارەگە بەشدار بوون، و مەشخەڵ وەدەسیان گرن، تا ئاگریگ لەبان کۊەگە بکەنەوە و هەمیش وەگەرد ئاگربازی. 

سەعید داوا لە هاووڵاتییەیل کرد تەقە نەکەن، و دووپات کرد ک دەزگا ئەمنیەیلە ئەوسا کەفنە شۊن پێشێلکارەیل و وەگورەی یاسا وەگەردیان رەفتار کەن.