دەسگیرکردن دوو کەس لە نزیک زانکۆیگ ئەهلی لە هەولێر تەقە کردنە
2023-04-11T12:00:07+00:00
شەفەق نیوز/ سەرچەوەیگ ناوخوەی لە هەولێر پایتەخت هەرێم کوردستان، ئمڕوو سێشەممە، خەوەردا هێزەیل ئەمنی دوو کەس دەسگیرکردنە لە نزیک زانکۆیگ ئەهلی شەرەتەقە کردنە.
سەرچەوەگە وە ئاژانس شەفەق نیوز وت" رویداواەگە نیمەڕووی ئمڕوو رویدایە هەنای دوو کەس تەقە لەیەکتری کەن لە نزیک زانکۆی (نۆلج) ئەهلی لە شار هەولێر و وە هووکار گیچەڵ کوینەیگ ک لەمابەینیان بویە".
سەرچەوەگە وتیش" هێزەیل ئەمنی توومەتباەیل دەسگیر کردنە لە دویای ئەوەگ رەسنە شوین رویداوەگە"، دیاریکرد" تویش هویچ زەخمدارییگ نەوینە".
