دەسگیرکردن دوو بازرگان هووشبەری لە سلێمانی
2023-08-07T14:13:26+00:00
شەفەق نیوز/ هیزەیل ئەمنی لە سلێمانی، ئمڕوو دووشەممە، دەسگیرکردن دوو بازرگان هووشبەری و دەسناین وەبان زیاتر لە ٣٤٠٠ حەپ هووشبەری راگەیان.
فەرماندەی هیزەیل سنووری لە بەیاننامەیگ رەسیە ئاژانس شەفەق نیوز وت: مەفرەزەیگ لە فەوج دویەم لە لیوای سنووری ٢١ لە فەرماندەیی سنوور ناوچەی یەک، دەسنا بان ٣٤٥٠ حەق هووشبەر کبتاگۆن خاوەنەکەی نیاز داشتیە بارێدە ناو خاک عراق لە سنوور پارێزگای سلێمانیەو.
لەلای خوەییش ئاسایش هەرێم کوردستان، لە بەیاننامەیگ رەسیە ئاژانس شەفەق نیوز وت: وە ئامانج ریگری لە وەکارهاوردن و قاچاخکردن هووشبەری، هیزەیل وەڕیەوبەرایەتی خوەرئاوای سلێمانی بازرگانیگ هووشبەری وەناو (ی.ع.ح) لە ناوچەی بازیان دەسگیر کردن.
دیاری کرد ک توومەتبارەگە کریستال و تلیاک و ئەفیون و مادەەیل هووشبەری وەکار هاوردەی و بازرگانی وەپییان کردیە، وتیش؛ توومەتبارەگە وەگورەی یاسای دژەهووشبەری دەسگیر کریایە، و لێکۆڵینەوە وەگەردی وەردەوامە.
