دەسڵاتدارەیل ئەمنی سێ باند ناودەوڵەتی بازرگانیکردن وە مادەی هووشبەر راگەیانن
2023-11-09T13:09:42+00:00
شەفەق نیوز/ وەڕیوبەرایەتی رویوەڕوی بوین مادەی مادەیل هووشبەر لە هەولێر پایتەخت هەرێم کوردستان، ئمڕوو پەنجشەممە، راگەیان شمارەیگ بازرگان مادەی هووشبەر دەسگیر کردنە کە ئەندامن لە سێ باند گەپ بازرگانیکردن وەی مادەیلە.
ئەرکان عومەر ئەفسەر لە وەڕێوەبەرایەتیەگە لە کۆنگرەیگ رووژنامەوانی کە ئاژانس شەفەق نیوز ئامادەبوی راگەیان، دەسنریاس وەبان هەزاران دەنگە حەب هووشبەر و دەسگیرکردن بازرگانەیل ئەو مادەیلە کە پەیوەنی وەگەرد سێ باند بازرگانی ناودەوڵەتی وە مادەی هووشبەر دیرن، دووپاتکرد وە مدوو دەسگیرکردن ئەو بازرگانەیلە ئەو باندەیلیشە پویچەوکریان.
وتیش، لە یەکیگ لە چالاکیەیل وەڕێوەبەرایەتیەگە وە هەماهەنگی وەگەرد وەڕێوەبەرایەتی گشتی دژە مادەیل هووشبەر عراق، لەدویای ئاڵشتکردن زانیاری، توەنستنە دەسبنەن وەبان 160کیلوگرام لە حەب هووشبەر.
