دەسگیرکردن 5 کەس وە تۆمەت خراوکردن سرووشت لەسلێمانی
شەفەق نیوز/ پولیس دارستان پارێزگای سلێمانی، ئمروو یەکشەممە، پەنج کەس وە تۆمەت " خراوکردن سرووشت" و بڕین درەختەیلە دەسگیر کرد.
وەرێوبەرایەتی دارستان و ژینگە لە سلێمانی لە بەیاننامەیگ رەسیە ئاژانس شەفەق نیوز وت: "هێزەیل پۆلیس دارستان لەسەر فرمان دادگا پەنج هاوڵاتی دەسگیر کردن وە تۆمەت بڕین درەخت و خراوکردن سرووشت و بردن پارچە دارەگان".
لە بەیاننامەگە دیاری کرد"تاوانبارەیلە بڕ فرەیگ لە درەختەێل بڕینە لەبەش پۆلیس (بەرزنجە) لە ئاوای (باراو) ئەرا فروشتنیان جۊر پارچەیگ ئەرا نۊیسین یادگارییان.
لە بەیاننامەگە دووپاتکرد، دۊیای ئەوەگ زانیاری لەباوەت ئەو تاوانە رەسیە پیمان، دەسکردیمن وە لێکۆلینەوە و چەودێری ئەرا پەیاکردن تاوانبارەگە دەس وەپیکردیمن، دۊیای زانیین ناسنامە و شۊن دانشتنیان، مەفرەزیگ سەر وە بەش پۆلیس دارستان بەرزنجە وە بڕیار دادوەر دەسگریان کردن، پێشکەش دادگایان کردن".
لەبەیاننامەگە لە هاوڵاتیەل خوازێد" ئەرا بەرژەوەنی تایبەت و مادی زەرەرد وە سروشت و ژینگە نەڕەسنن، چۊنکە ئیمە یە قبوڵ نێەکەێمن و لەپسای پەلامارداین سروشت لێپرسینەوە یاسای ئەرایان کەێمن"
