دەرچگە یەکەمەیل لە سلێمانی هەرەشەی هاتن بان جادەیل کەن

نوێنەر خوەینیشاندەرەسل "محەمەد باقی" لە کۆنگرەیگ رووژنامەوانی ک ئاژانس شەفەق نیوز ئامادەبوی راگەیان" داوا لە حکومەت هەرێم کوردستان و لایەنە پەیوەنیدارەیل و وەزارەت خوەنین باڵا و لێکۆڵینەوەی زانستی کوردستان کەێمن و سەرەتایترین ماف خوەمان وەپیمان بیەن ک دامەزاننمانە ک فرەیگ لە زانکۆیەیل پێویستیان وەپیمانە لەوەر کەمی پسپۆرەیل.

وتیش" ئیمە نزیکەی 10 هەزار دەرچگ یەکەمین لەماوەی ئی چەن ساڵە 35 خوەینیشاندان ئەنجامدایمنە لە ناوچە جیاوازەیل هەرێم  ئەرا داوای دامەزراننمان باوجی هویچ جواویگ نەڕەسیەس وەپیمان وەلایەن لایەنەل پەیوەنیدار ، دووپاتکرد  ئەگەر جواو نەدریەێمن تێنە بان جادەیل ئەرا داواکردن مافەیلمان.

وتیش ئەنجومەن وەزیرەیل هەرێم لە 26 تەشرین یەکەم 2022  فەرمانەگەی دەرکردیە لەباوەت دامەزرانن یەکەمەیل باوجی تا ئیسە جیوەجی نەکریاسە.