سلێمانی... خوەنەوارەیل زانکۆ پەیمان فراوانکردن خوەنیشاندانیان دەن
شەفەق نیوز/ خوەنەوارەیل زانکۆی سلێمانی و زانگۆی تەکنەلۆجیا و زانکۆی گەرمیان و زانکۆی کۆیە، ئمڕوو دووشەممە، پەیمان دان وە فراوانکردن خوەنیشاندانەیلیان ئەگەر داوەکاریەیلیان جیوەجی نەکریەێد.
خوەنیشاندەرەیل لە بەیاننامەیگ رەسیە ئاژانس شەفەق نیوز وت،" دویای ئەوەگ داوای ئازادکردن ئەو هاوڕێەیلمان کردیمن ک لە خوەنیشاندانەیل دویکە یەکشەممە دەسگیرکریانە، رکداریمن لەبان داواکاریەیلمان و دابڕیان لە هۆڵەیل خوەنین و وەردەوامیمن لە خوەنیشاندان تا جواو داواکاریمان دریەێدەو.
وەپای بەیاننامەگە داواکاری خوەنەواریەیل تیشک خستیەسە بان سێ خاڵ" رەزامەنیدان لە جیوەجیکردن یاسای پابەندبوین حکومەت وە بەشەوکردن دەرماڵەی ساڵ خوەنین2022-2023 وەلایەن وەزارەت دارایی خوەنین هەرێم کوردستان وەشیوەی وەردەوام.
دویەم داواکاری خوەنیشاندەرەیل" داوەزانن کرای خوەنین ئیوارمانە وەرد رەچاوکدن بارودۆخ ئابووری خیزان خوەنەوارەیل، خاڵ سێیەم تیشک خەێدە بان " گرنگیدان وە بەشەناوخوەیەیل گشت زانکۆ و کۆلێژەیل دابینکردن بوجەیگ ئەرا خاسەوکردنیان ئەرا خوەنەوارەیل قۆناغ یەکەم وەبی جیاوازی.
خوەنەوارە خۆنیشاندەرەیل هوشداری دەن " هەڵوێستیگتر وەرگرن ئەگەر حکومەت داواکاریان جیوەجی نەکەێد".
