خوەیکوشتن ئەندامیگ هاتووچو و شاخەوانییگ لە هەولێر
2021-02-12T08:40:57+00:00
شەفەق نیوز/ ئەندامیگ لە پۆلیس هاتووچو قەزای سۆران لە باکوور پارێزگای هەولێر خوەی کوشت، وەگورەی قسەیل موقەدەم شەماڵ دیواری قسەکەر وەناو پۆلیس قەزاگە.
دیواری لە بان ماڵپەڕەیل پەیوەندیە کۆمەڵایەتیەگان، ئمڕوو جمعە، نووسان: رووداوەگە دوێەشەو بوی هەنای ئەندام هاتووچو «میرزا محمد» لە داڵگبوی ١٩٧٣ لە دانیشتوەیل گەڕەک شۆڕش لە سۆران خوەی کوشت، ک ١٦ ساڵ لە پۆلیس هاتووچو کار کردگە.
قسەکەریگ لە زوان خیزانەگەی وت: محمد وە دەوانچەیگ گولە داگە خوەی، و زەخمدار سەختیگ بوی، و بریا وەرەو شار هەولێر ئەرا چارەسەرکردنی وەلی گیانی لەدەس دا.
جی باسە ک میرزا محمد هاوسەرگیری کردگە، وخوەییش ئەندامیگە لە گروپ شاخەوانی «دەنگ و رەنگ سروشت کوردستان».
