حزبیگ ئۆپۆزسیۆن ئیرانی کوشیان دوو ئەندامی وە گورز سوپای پاسدران لەباکوور هەولێر راگەینێد
شەفەق نیوز/ حزب دیموکراتی کوردستانی ئۆپۆزسیۆن ئیرانی، ئمڕوو دووشەممە، کوشیان ٢ لە ئەندامەیلی راگەیان، لەو گورزە ک بارەگایلی لە باکوور هەولێر کردە ئامانج.
ئەویش لە پۆستیگ لەلایەن حزبەگە لە سایت ئەلیکترۆنیی هات ک ئاژانس شەفەق نیوز نووڕیەی، و لەناوی ئاشکرای ناو کوشیاگەیل "رێبوار عەبدی و ئاسۆ توانا" کرد.
شەوەکی ئمڕوو، سێ فڕۆکەی بێفڕۆکەوان پەلامار بارگایل حزب "کۆمەڵە"ی ئۆپۆزسیۆن ئیرانی لە قەزای عەربەت لە پارێزگای سلێمانی دان، وەگەرد گورزەیگ ئیرانی وە دوو مووشەک پەلامار بارەگای حزب دیموکراتی کوردستانی ئیرانی لە قەزای کۆیە لە ناحیەی سیدەکان لە ئیدارەی سەروەخوەیی سۆران لە هەولێر.
مەسرور بارزانی سەرۆک حکومەت هەرێم کوردستان، شەرمەزار ئەو گورزەیلە کرد و وت: وە پێشێلکردن سەروەری هەرێم دریەێدە قەڵەم.
سوپای پاسدران ئیران خوەی کردە خاوەن ئەو گورزەیلە، وتیش: بارەگایل "گرووپەیل تیرۆریست" کردنە ئامانج.
