وەزارەت دەرەوی ئیران: وە وەرپرسەیل عرق وتیمنە ک رازی نییمن عراق بوودە شۊنیگ ئەرا هەڕەشەی ئیران

 شەفەق نیوز/ قسەکەر وەزارەت دەرەوەی ئیران سەعید خەتیبزادە، ئمڕوو دوشەممە، وت، ولاتەگەی هوشداری داگەسە وەرپرسەیل عراقی ک رازی نییە عراق بوودە ناوەن هەرەشەی ئاسایش ئیران و بەرژەوەندیەیلی. 

خەتیبزادە لە کۆنگرەیگ رووژنامەوانەی ک ئاژانس شەفەق نیوز چەودیری کردیە وت، " بایەتە عراق نەیلێد زەۊیەیلی وەکارباد ئەرا هەرەشەی ئاسایش و ئارامی لە ئیران." 

دیاریکرد، " هوشداری دایمنەسە دەسڵاتدارەیل عراق سنوورەیلیان نەودە شۊن پلانگێری دژ وە وڵاتەگەمان." 

خەتیبزادە وتیش، " قەوارەی زایۆنیست لە هەرێم کوردستان دژ وە ئیران کار کەێد"، دووپاتکرد، "هەرگیز رازی  نییمن یەکیگ لە وڵاتەیل هاوسایمان بوودە ناوەن پیلانگێری ئەرا وڵاتەگەمان و کلکردن تیرۆرست."