تووپواران تورکی نوویگ سەدان دۆنەم لە زەوی و دارستانەیل لە دهۆک فەوتنێد
2021-06-24T12:16:17+00:00
شەفەق نیوز/ وەچەودیەلیگ ئمڕوو پەنجشەممە، خەوەردان ک ئاگرەیلیگ رەسینە شوینەیل فراوانیگ مەزەنە وە سەدان دۆنەم لە زەویەیل کشتوکاڵی و دارستانەیل سرووشتی لە پارێزگای دهۆک کریەێد، لەوەر تووپواران سوپای تورکیا.
وەچەودیەکان ئەرا ئاژانس شەفەق نیوز وتن: تووپەیل تورکیا دویای نیمەڕو ئمڕوو تووپواران دەورگرد ئاوای دیشیش سەروە ناحیەی کانی ماسی لە باکوور دهۆک کردن.
وتنیش؛ ئاگرەیل گەورەیگ رەسینە دەورگرد ئاوایەگە ک بوینە هووکار فەوتانن سەدان دۆنەم لە زەویەیل کشتوکاڵی و دارستانەیل، وتنیش؛ تا ئیسە ئاگرەیلە بڵویزەدارن.
