چوار قوربانی و ٣٣ زەخمدار وە تەقیان لویلەی غاز لەناو بەشیگ ناوخوەیی لە دهۆک
شەفەق نیوز/ وەڕێەوبەرایەتی وەرگیری شارستانی لە پارێزگای دهۆک، ئمڕوو سێشەممە، خەوەردا لە کوشیان چوار کەس و زەخمداری ٢٧ کەس لە ئەنجام رویداو تەقیانیگ لەوەر نزەکردن غاز، ک هیشت حکومەت هەرێم کوردستان قەیەغەی وەکارهاوردن سیستەم غاز بکەێد.
موقەدەم بێوار عەبدولعەزیز وەرپرس وەڕێەوبەرایەتی وەرگری شارستانی لە دهۆک ئەرا ئاژانس شەفەق نیوز وت: ئەفسەریگ وەپلەی رائید و ئەندامیگ ئەمنی هانە ناو قوربانیەیل.
وەگورەی قسەی پەیامنێر ئاژانسمان، رویداوەگە لەدویای نزەکردن غاز لە لویلەیگ لەناو بەش ناوەخوەیی لە پارێزگای دهۆک بویە.
لەلای خوەییش، دکتۆر ئیحسان عەبدولڵا وەڕیەوبەر خەسەخانەی فریاکەفتن دهۆک ئەرا ئاژانس شەفەق نیوز وت: شمارەی زەخمدارەیل رویداوەگە رەسیە ٣٣ کەس، دوانیان زەخمیان سەختە، وتیش: تەرم چوار قوربانی ئەرا فەرمانگەی پزشک دادوەری بریان.
لە پشت ئی رویداوەیلە ک ئی ماوە لەوەر سیستەم غاز لە ناوچەیل هەرێم کوردستان روی دەن، مەسرور بارزانی سەرۆک حکومەت هەرێم کوردستان فەرمان وسیان گشت شیوەیل کارکردن وە سیستەم غاز دا، و وە هویچ شیوەیگ وەکاری نارن، وهەمیش فەرمان وە جیوەجیکردن لێکۆڵینەوەی گشتگیر وەگەرد گشت لایەنەیل دا.
