تەندروسی هەولێر: روی وەرەو کارەسات گەپیگ کەیمن
شەفەق نیوز/ فەرمانگەی تەندروسی هەولێر لە هەرێم کوردستان، ئمڕوو دووشەممە، هووشداری لە کارەسات گەپیگ کرد لەوەر پابەند نەوین هاووڵاتییەل وە ریکارە مقەیەتیەیلە لە بڵاوبوین ڤایڕۆس کۆڕۆنا.
قسەکەر تەندروسی هەوقلێر پەژار موسا لە کونگرەیگ رووژنامەوانی ئمڕوو و ئاژانس شەفەق نیوز ئامادەی بوی وت: تووشهاتنەیل ڤایڕۆس کۆڕۆنا هالە بەرزەوبوین وەردەوامیگ، و هووشداری کرد ک ئەگەر هاووڵاتییەل پابەد وە ریکارە مقەیەتیەیلە نەوین خو بوودە کارەسات گەورەیگ.
وتیش: ئیسە زیایەی گەورەیگ لە ژمارەی تووشهاتنەیل هەس ک چەودێری وورد لە خەسەخانەیل خوازن، و دیاری کرد ک ماشینەیل فریاکەفتن لە هەولێر و دەورگردی دابین کردیمن.
موسا داوا لە گشت هاووڵاتییەیل کرد پەنا وە تاقینکردنەوی پشکی و ریکارەیل کەرەنتین بوودەن ئەگەر نشانەیل تووشهاتن لەلایان دیار کەفت.
وتیش: زیاتر لە ٦٠ هەزار کەس لە هەولێر واکسینەگە وەرگردنە، و ئەرگەر نەڕەسیمنە ئاست ٩٠% نێتوێنیمن باس دڵنیایی رەوشەگە بکەیمن.
