تەندروسی عراق ئویشێد: تووشهاتنەیل کۆڕۆنا لەوەر ئاهەنگ جەژن بەرزەو بوین

تەندروسی عراق ئویشێد: تووشهاتنەیل کۆڕۆنا لەوەر ئاهەنگ جەژن بەرزەو بوین
2021-07-26T14:02:20+00:00

شەفەق نیوز/ وەزارت تەندروسی وژینگەی عراق، ئمڕوو دووشەممە، باس هووکارەیل بەرزەوبوینە بیوەرینەگەی تووشهاتنەیل ڤایڕۆس کۆڕۆنا لەوەر ئاهەنگ جەژن بوی، و جەختکرد لە پابەندی وە ریکارە مقەیەتیەکان ئەرا نواگردن لە تووشهاتن زوی ڤایڕۆس کۆڕۆنا.

سەیف بەدر قسەکەر وەناو وەزارەتەگە لەبەیانامەیگ رەسیە ئاژانس شەفەق نیوز وت: ئمڕوو وەزارەتەگە بەرزترین رێژەی تووشهاتن رووژانە وە ڤایڕۆس کۆڕۆنا تۆمار کرد ک رەسیە زیاتر لە ١٢ هەزار تووشهاتن، و دیاری کرد ک ئی بەرزەوبوین بیوەرینە ئەنجام سرووشتییگە ئەرا پابەند نەوین وە ریکارە مقەیەتیەکان، و خوەی شمارەی ئاساییە و ئیمە مەزەنەی زیایبوین تووشهاتنەیل کەیمن.

وتیش؛ وەرنەگردن واکسینەیل و جیوەجی نەکردن دویروکەفتن کۆمەڵایەتی و وەکارنەهاوردن دەمامەک هەڵبەت تووشهاتنەیل کە بەرزوو کەن، وتیش؛ ئی شمارەی بیوەرینە ک ئمڕوو وەزارەتەگە تۆماری کرد شایەت لەوەر جەژن قوربان و ئاهەنگەیلی بوی.

Shafaq Live
Shafaq Live