تەقینەوەیگ وەڕوی ئامێریگ ئەرا وازکردن ریوبان و زەخمداری رانندەگەی لە دهۆک

سەرچەوەگە ئەرا ئاژانس شەفەق نیوز وت: یەکیگ لە ئامێرەیل تیمەیل وازکردن ریوبان لە دووڵ رشاقە لە قەزای عمادیە باکوور دهۆک، کەفتە وەر تەقیان بومبیگ دانریاگ ک وە ماددەی (تی ئێن تی) دروس کریایە، مەوقەی کار تیمەگە لە وازکردن و خاسەوکردن ریەگە.

سەرچەوەگە دیاری کرد ک تەقینەوەگە بویە هوکار زەخمداری رانندەگەی و وەزوی ئەرا خەسەخانە بریا.

سەرچەوەگە دیاری کرد ک ناوچەگە بویەسە مەیدان جەنگ ناوەین ئەنقەرە و پەکەکە، ک رووژانەگە جەنگ و تەقە لەناوی بوود، وەگەرد پەلامارەیل نیمچە رووژانە وە چەک ئاسمانی تورکیا.

ئی رویداوە وەگەرد ئەو زەنجیرەی تەقینەوەیلە توومار کریەێد ک تیمەیل کارکردن لە وازکردن ریوبانەیل و ژیرخانەیل کەنە ئامانج.