بارهەڵگریگ لە دهۆک دوو کەس زەخمدار کەێد و زەرەر وە 6 ماشین و دوکانیگ رەسنێد
2024-02-17T14:26:35+00:00
شەفەق نیوز/ سەرچەوەیگ لە پۆلیس هاتوچو، ئمڕوو شەممە، خەوەردا لە رویداویگ هاتوچو کە لەئەنجام دوو کەس زەخمداربویە و زەرد فرەیگ رەسیە وە ماشین گەپیگ و شەش ماشین و یک دووکان لە خەرهەڵات دهۆک.
سەرچەوەگە وە ئاژانس شەفەق نیوز وت، "رویداویگ هاتوچو رخبەریگ رویدایە لە وەرجە نیمەڕووی ئمڕوو لە ناحیەی روڤیا سەر وە قەزای بەردەڕەش خوەرهەڵات دهۆک، ماشینیگ بارهەڵگر سزەمەنی لە کۆنترۆل دەرچگە لەبان ری و لەیەکەودایە وەگەرد شەش ماشین کە وسیانە و چگەسە ناو دووکانیگ بازرگانی".
سەرچەوەگە ئاشکەرایکرد "لەئەنجام رویداوەگە دوو کەس زەخمداربوی کە لەناو دوکانەگە بوی ئەر خەسخانەی بەردەڕەش کلکریانە و زەرەد فرەیگ وە ماشینە زەرەردیەیل رەسیە".
