باوەتەیل بەرهەمهاوردن وسیاسەت لەبان مێز گفتوگۆ سەرۆک هەرێم کوردستان و باڵیۆز قەتەر
شەفەق نیوز/ نێچیروان بارزانی سەرۆک هەرێم کوردستان، ئمڕوو سێشەممە، وەگەرد خالد بن حەمەد سلێتی باڵیۆز قەتەر لە عراق، باس پەیوەندیەیل عراق و هەرێم کوردستان وەگەرد دەوڵەت قەتەر کرد، هەمیش گەشەیل سیاسی، وەگەرد تەقەلایل وازکردن قونسوڵخانەی گشتی قەتەر لە هەولێر ئەرا بانان.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: هەردوگ لایەنەگە دووپات لە ئارەزوو قەتەر و هەرێم کوردستان لە زیایکردن بتەوکردن پەیوەندیەیل وهاوکاری هاوبەش ناوبەینیان کردن، و زەمینەسازی گونجیاگ ئەرا بەرهەمهاوردن قەتەر لە جویراجویر کەرت وچینەیل لە هەرێم کوردستان و عراق، و باس گرنگی کاروانەیل راستەخو کڕەیل ئاسمانی قەتەر ئەرا عراق و هەرێم کوردستان کردن.
گرنگی ئاسایش و ئارامی سیاسی عراق ئەرا گشت ناوچەگە، پەیوەندیەیل عراق و هەرێم کوردستان وەگەرد دەوڵەتەیل هاوسا و دەوڵەتەیل ناوچەگە، و باوەتەیلیگتر لەلای هەردوگ لایەنەگە گرنگە، باسەیلیگ لەناو ئەو دیدارە بوین.
هەمیش باس ئامادەکاریەیل قەتەر ئەرا میوانیکردن پاڵەوانی جام جەهانی تووپان ئەرا ساڵ ٢٠٢٢ کریا.
