بارزانی و گەورای تەریقەت قادری باس بتەوکردن پێکەوەژیان کەن
شەفەق نیوز/ مەسعود بارزانی سەرکردەی کورد، ئمڕوو سێشەممە، وەگەرد شێخ محمد کەسنەزانی گەورای تەریقەت قادری لە کوردستان وجهان باس لە رەوشە گشتیەگان لە کوردستان عراق و جهان کردن، و هەردوگ لاگە دووپاتکردن لە خەسەوەکردن تەقەلایل گشت لایەنەگان ئەرا ئەرزشدار کردن هەست پێکەوەژیان و برایەتی لەناونی چینەیل کۆمەڵگاگە.
بەیاننامەیگ لە بارەگای بارزانی رەسیە ئاژانس شەفەق نیوز وت: بارزانی سەرۆک پارت دیموکرات کوردستان، لە سەیرانگەی سەڵاحەدین لە هەولێر پێشوازی لە شێخ نەهرۆ محمد کەسنەزانی گەورای تەریقەت قادری لە کوردستان وجهان کرد.
بەیاننامەگە ئاماژە کرد ک چەوپێکەفتنەگە گواستنەوەی راگان لەباوەت رەوشە گشتیەگان لە کوردستان و ناوچەگە وەخوەی دی، وتیش؛ دووپات کریا لە خەسەوەکردن تەقەلایل گشت لایەنەگان ئەرا ئەرزشدارکردن هەست پێکەوەژیان وبرایەتی لە جوورا جور چینەگان لە کۆمەڵگاگە و مقەیەتی لە بنەما باڵاگان ئیمان و ئاینی و پێکەوەژیان.
