بارزانی و ئەعرەجی باس لە چوار باوەت کەن
شەفەق نیوز/ مەسعود بارزانی سەرۆک پارت دیموکرات کوردستان، ئمڕوو یەکشەممە، کۆبونەوە کرد وەگەرد قاسم ئەعرەجی راوێژکار ئەمن نیشتمانی.
بەیاننامەیگ لە نووسینگەی ئەعرەجی وت: باس لە رەوشە گشتیەگان کریا لە میدان نیشتمانی وسەختیەگان ئیسە و یەکێتی هەڵوێستەگان لەناوبەین ناوەند و هەرێم، وهەمیش تەقەلایل چاکسازی وچارەسەرکردن باوەتە گیرهاتگەگان لەناوبەین هەردوگ لایەنگە.
ئەعرەجی دووپاتکرد ک سەردانەگەی ئەرا هەرێم وەیاوەری شاندیگ پایەبەرز،لە رینمای موستەفا کازمی سەرۆک وەزیران هات، ئەرا چارەسەرکەردن باوەتە گیرهاتگەگان وەگورەی دەستور، و ئەوەگ بەرژەوەندی باڵای وڵاتەگە گریدەو، و وەشیوەیگ پلەیی لە بنەمای ئاشکرایی و ڕاستەقینەیی.
لەلای خوەییش مەسعود بارزانی دووپاتکرد ک خوەی وەی سەردانە گەشبینی کەێد ، ک ئامادەی نەخشەی رییگ کەێد لە بنەمای دەستور و بڕوایی، ودیاریکرد ک وەبی بڕوایی دوولایەنانە نێتوێنیمن هیچیگ بینا بکەیمن تەنانەت وەگەرد دەستوریش.
چەوپیکەفتنەگە هەمیش باس بتەوکردن هاوکاری هاوبەش لەناوبەین ناوەند وهەرئم وەخوەی دی، وەتایبەت ئەوەگ پەیوەندارە وەهەماهەنگی ئەمنی ونواگردن تیرۆر و باوەت ئاوارەگان .
