بارزانی ئەرا عراقیەیل ئویشێد: بایەتە پەیوەندیمان وە قایمی بمینێد
شەفەق نیوز/ مەسعود بارزانی سەرۆک پارت دیموکراتی کوردستان، ئمڕوو یەکشەممە، دووپات لەبان گرنگی بتەوکردن بنمایەیل وەیەکەوژیان و برایەتی ناوبەین گەل کورد و عەرەب کرد، و کاریگەر وە ناکۆکیەیل سیاسی لە عراق نەوود.
ئەوەیش لە وتاریگ لەناو رسوومەیل وازکردن پەنجەمین ڤیستواڵ روشنهویری دهۆک، وە ئامادەبوین عەلی تەتەر سەرۆک حکومەت پارێزگاگە ودەیان لە روشنهویر و ئەدیبەیل ونویسەرەیل لە چوار پارچەی کوردستان و لە عەرەبە عراقیەیل.
بارزانی لە وتارەگەی وت: دووپات لە بنمایەیل برایەتی و دووسی ناوبەینمان کەم هەرچەنی سیاسیەیل ناکۆکی بکەن، بایەتە پەیوەندی ناوبەین گەلەیل پەیوەندی قایمیگ بوود، و پەیوەندی دووسی بوود.
وتیش: برایەتی لە بەڵگەیل شۆڕش ئەیلوول بویە، لەبان هەرچەگ رویدایە، و شۆڕش ئایاریش لەبان ئەو کارەساتەیلە ک لەشوینی رویدان لە ئەنفال و جینۆساید وبارکردن، وەلێ گەل کوردستان هەر پەیوەندیی وەگەرد برایل عەرەب هیشت، و ئەو تاوانەیلە لەبان گەل عەرەب نەیا قەڵەم، باوجی لەبان دەسەڵاتدارە ستەمکارەیل بوی ک ستەمیان کەفتە بان گشت پیکاتەیل.
سەرۆک بارزانی لە قسەیلی ئەرا پیکاتەی عەرەب وەتایبەت عراقیەیل وە گشتی وت: بایەتە پەیوەندیمان وە قایمی بمینێد و نەکەفنە کاریگەری وە ناکۆکیەیل سیاسی.
